मिटल्या डोळ्यात,
वितभर आभाळ,
स्म्रुतींची ओंजळ भरवीत...

वाटेत लागले,
फ़ुलांचे ताटवे,
रंगाचे तुकडे सजवती....

भ्रमर मन,
भाळता भाळले,
वेचत चालले आठव सारा....

म्रुद्गंध साजरा,
श्रावणी उभारा,
स्म्रुतींची सर रिमझिम...

ओलेत्या जाणीवा,
मायेचा विसावा,
पापणी लवता निर्माळल्या...

वाटेत राहिले,
सखे नी सांगाती,
गाव तो माझा अनोळखी....

सोडून चालले,
देहाचे कोंदण,
प्राणही माझे घोटाळती....

क्षितीज बोलवे,
विलीन व्हायला,
दूरचा प्रवास अनंताचा....

सरण पेटले,
रडून चालेना,
आसवे चिता विझवती....

- य३